بعض البشر لامن حشمته (طمع) فيك
وبعض البشر لامن جفيته يودك
وبعض البشر يتعب على شأن يرضيك
وأغلى من اخوانه بقلبه يعدك
وياصاحبي هالحين بانت (خوافيك)
علقتني ما بين مزحك وجدك
وش جاك مني ياعشيري وأنا ابيك
قبل أمس انا صاحبك واليوم ندك
لا ضاق صدري من عنا الوقت أناجيك
وأشوف دمعات الغلا فوق خدك
والحين تظلمني وأنا منك وفيك
بكل إحترام أقول يا خوي حدك
ثمن كلامك يا عسى الله يهديك
لا صار ماي الوجه يعجز يردك
ثوب الردى يا صاحبي مايقديك
الثوب ماهو لك ولا القد قدك
وأنا خلاااااااااص اليوم والله ما بيك
النفس طابت سو ماهو بودك
الطعنه اللي من ورى الظهر تنهيك
وشلون لا جاتك من اللي يودك
لا واهني يوم أنا أموت بيديك
ذابح وتبكي من (ذبحته )بيدك
موضوع: بــــــــــعض البشر 
2010-05-06, 22:44