اهداء لاخوي ملامح بشر ولكافة اعضاء هذا الموقع (اذا لك شف)

السلام عليكم ورحمة الله وبركاته

بداية اتشرف ان اكون احد اعضاء هذا الموقع الراقي بمن فيه واشكر اخوي الاستاذ ملامح بشر لدعوته ، ولكي لا اطيل عليكم انا من محبي ومتذوقي الشعر ولي محاولات في الكتابة ، وقد اخترت هذه القصيدة كعربون صداقة سبق لي ان طرحتها صوتيه واتمنا ان تنال اعجباكم .

[ندعوك للتسجيل في المنتدى أو التعريف بنفسك لمعاينة هذا الرابط]



اذا لك شف في شوفي تراني
على شوفتك صحيت الاماني

نسيت الناس لكن ما نسيتك
عجزت انساك حتى لو ثواني

عطيتك شي ماهو عند غيرك
ولاقصرت لكنك اناني

انا احبك واذا ودك تاكد
شف الله كيف بيدينك هداني

غيابك صعب والاصعب وجودك
وانا في الحالتين اتعب واعاني

حبيبي .. لا تواخذني
لكن ابيك تحط نفسك في مكاني

اذا جيتك وانا مشتاق تقفي !!!!
تجاهلني وكانك ما تراني

واذا صديت عنك وقلت ابرحل
وقف قلبك على الباب ودعاني

انا يابن الحلال اصعب حكايه
كتبني الوقت لكن ماقراني

مضى عمري وتقدر تعتبرني
غريب وفي زمن ماهو زماني

زماني راح مع نصفي ونصفي
نسى نفسه مع الوقت ونساني

اسافر حزن والصحبة ثلاثة
انا والصبر وسهيل اليماني

واذا مريت في بلاد الطفولة
فتحت الصدر للحزن وطواني

هنا دمعه من عين جاهل
هنا لاقيت همي والتقاني

هنا باغ=عتني الديره واهلها
هنا ضحيت لفلان وجفاني !!

هنا حاولت اصيح وما سمعني
سوى بعض الشوارع والمباني

انا ياسيدي دقة قديمة
بغيت اخذ من الوقت وخذاني

على الانقاض واقف دون حيلة
اشوفك وجهتي بين المواني

تعال وطف بيدينك حنيني
تملكني وانا اشعلك حناني

تعال وضمني ياتاج قلبي
دخيلك لاتخليني عشاني

ومانيل المطالب بالتمني
ولكن شوفتك كل الاماني

وقسم بالله لو موتي بيدك
واموت الفين مره ماكفاني

واذا باقي من الطلقات طلقة
دخيلك حطها بين المحاني

وسلامتكم حبايب
،، ،،